ओमनका लागि नेपाली राजदूत शर्मिला पराजुली ढकालले आइतबार ओमनका नयाँ सुल्तान (राजा) हेथम विन तारिकलाई ओदाहको प्रमाणपत्र बुझाएकी छिन्।
अल आलम प्यालेसमा उनले ओदाहको प्रमाणपत्र बुझाएकी हुन।
त्यस अवसरमा राजदूत शर्मिला पराजुली ढकाललाई प्यालेसमा गार्ड अफ अनरले सम्मानित गरेको ओमनस्थित नेपाली दूतावासले जनाएको छ।
भेटमा राजदूत पराजुलीले नेपालको राष्टपति विद्यादेवी भण्डारीले पठाएको शुभकामना सुल्तानलाई प्रदान गरेकी थिइन ।
भेटमा राजदूतले नयाँ सुल्तानको कार्यकालको शुभकाना दिएकी थिइन।
भेटमा नयाँ सुल्तानले नेपाल र ओमनबीचको सम्बन्ध नयाँ उचाइँमा पुर्याउने विश्वास दिलाएका थिए। ओमनका सुल्तानको निधन भएपछि केही समयअघि नयाँ सुल्तानका रुपमा हेथम विन तारिकले जिम्मेवारी सम्हालेका थिए।
