बेलायतका लागि नेपाली राजदूत दुर्गाबहादुर सुवेदीले माल्टाको राजदूतकोसमेत जिम्मेवारी पाएका छन्।
राष्ट्रपति विद्यादेवी भण्डारीले शुक्रबार सुवेदीलाई माल्टाको राजदूतमा नियुक्त गरेको लण्डनस्थित नेपाली दूतावासले जनाएको छ।
दूतावासद्धारा जारी वक्तव्यमा राष्ट्रपति श्रीमति विद्यादेवी भण्डारीले नेपालको संविधानको धारा २८२ को उपधारा (१) बमोजिम मन्त्रिपरिषद्को सिफारिसमा संयुक्त अधिराज्यका लागि आवासीय राजदूत सुवेदीलाई माल्टाका लागि समेत नेपाली राजदूत पदमा नियुक्त गरेको जनाइएको छ ।
राजदूत सुवेदीले यसअघि नै आयरल्याण्डका लागिसमेत नेपाली राजदूतको जिम्मेवारी पाएका थिए।
