एनआरएनए युकेको अध्यक्षमा पुनम गुरुङ विजयी भएकी छन्।
आफ्ना प्रतिद्वन्द्वी शेर बहादुर सुनारलाई २ सय ३ मत अन्तरले पछि पार्दै उनी विजयी भएकी हुन्।
यससँगै उनी एनआरएन युकेको इतिहासमै पहिलो महिला अध्यक्ष बन्न सफल भएकी छन्।
मतगणना शनिबार बिहान सकिएको हो। प्राप्त मतगणना अनुसार पुनमले ४ हजार ५ सय ५१ मत ल्याएकी छन् भने सुनारले ४ हजार ३ सय ४८ मत ल्याएका छन्।
यस्तै उपाध्यक्षमा प्रेम गाहा र सुनिलबाबु खड्का विजयी भएका छन् भने महिला उपाध्यक्षमा रोजिना प्रधान विजयी भइन्।
यसैगरी, महासचिवमा फडिन्द्र भट्टराई विजयी भएका छन्।
