सम्पादकीय नोट: आफ्ना नानीबाबुले नेपाली भाषामा लेखेका अनुभव, कथा, कविता, निबन्ध लगायत सिर्जनात्मक रचना तल दिइएको इमेल ठेगानामा पठाउनुहोस्, हामी प्रकाशित गर्नेछौं। लेख पठाउँदा फोटोसहित स्कुलको नाम र कक्षा पनि खुलाउनुहोला। इमेल: ketaketi.setopati@gmail.com
कविता:
हरेक सफलताको फूलको मल हो बाबा
हरेक समस्याको बल हो बाबा
अघिल्लो जन्ममा पुण्य कमाएको फल हो बाबा
पानीभन्दा जरूरी व्यक्ति हो बाबा
हरेक समस्यामा साथ दिने शक्ति हो बाबा
भगवानअघि हात जोडे बर्दान पाइन्छ भने
सबैभन्दा ठूलो भक्ति हो बाबा
हामीलाई गाली गरेर मनभित्र आफैँ रुने हो बाबा
हाम्रो असफलतामा हुने व्यक्ति हो बाबा
हाम्रो लागि आफ्नो त्याग गरिदिने
सबैभन्दा शक्तिशाली क्रषिमुनि हो बाबा
आफू भोको बसी हामीलाई खुवाउने हो बाबा
आफ्ना असल कामले गर्दा होला
पुरानो पहिरनमा पनि सुहाउने बाबा
सुख-दुखको टावर हो बाबा
हतियारभन्दा शक्तिशाली सुपरपावर हो बाबा।
(संस्कार भट्टराई लोयला सेकेन्डरी स्कुल, सिनामंगलमा कक्षा ९ मा अध्ययनरत छन्।)
