केन्ट उत्पादनको आधिकारिक वितरक सिजी इलेक्ट्रोनिक्सले केन्ट सुप्रिम एक्स्ट्रा मिनरल आरओ वाटर प्युरिफायर बजारमा ल्याएको छ।
नयाँ वाटर प्युरिफायरको मूल्य ३३ हजार ९ सय ९० रुपैयाँ तोकिएको छ। नेपाल भरिका सबै प्रमुख आउटलेटहरूमा यो प्युरिफायर उपलब्ध भएको कम्पनीले बताएको छ।
प्रिमियम र एक्स्ट्रा सुविधाहरू भएकाले सतप्रतिशत शुद्ध र अल्कलाइन पानी पिउने सुविधा यस प्युरिफायरले दिने कम्पनीको दावी छ।
यस प्युरिफायरमा कम्प्युटरले नियन्त्रण गरिएको फिल्टर परिवर्तन अलार्म हुन्छ, जसले फिल्टर प्रतिस्थापन गर्ने समय सचेत गराउनुका साथै सुरक्षा र सुविधा सुनिश्चित गर्दछ।
केन्ट सुप्रिम एक्स्ट्रा पूर्ण रूपले स्वचालित हुन्छ। जुन भण्डारण ट्यांकी भरिएपछि बन्द हुन्छ र भण्डारण ट्यांकीमा पानी अधिकतम तहभन्दा तल आएपछि शुद्धिकरण प्रक्रिया सुरु हुन्छ।
यो पानी प्युरीफायर एक वर्षको सेवा वारेन्टी सहित कम्पनीले बजारमा पठाएको छ।
