चिनियाँ स्मार्टफोन निर्माता वनप्लस टेक्नोलोजी कम्पनीले अब टिभी पनि ल्याउने भएको छ। स्मार्टफोनमात्र निर्माण गरिरहेको उक्त कम्पनीले छिट्टै एन्ड्रोयड टिभी पनि बजारमा ल्याउने भएको छ।
चिनियाँ टेक बहुराष्ट्रिय कम्पनी बिबिके इलेक्ट्रोनिक्स मातहत रहेको वनप्लसले टिभी ल्याउने भएको छ।
वनप्लसको एन्ड्रोयड टिभी स्मार्ट हुने छ। यसले ब्लुटुथ प्रविधि प्रयोग गर्ने निश्चित भएको छ। यसका लागि उसले सर्टिफिकेट पनि पाइसकेको छ।
वनप्लस टिभी ४३, ५५,६५ र ७५ इन्च साइजमा आउने छ। कम्पनीका अनुसार ४३ इन्चको टिभी भारतीय बजार लक्षित हुने छ।
सन् २०२० भित्रै उपभोक्ताले वनप्लस टिभी किन्न पाउने वनप्लसले जानकारी गराएको छ।
