स्मार्टफोन ब्राण्ड, सामसङले ए सिरिज अन्तर्गत नयाँ स्मार्टफोन ए७०एस बजारमा ल्याएको छ।
यसमा ६४ मेगापिक्सलको प्राइमरी शूटरको साथ ट्रिपल क्यामरा सेटअप, आकर्षक नयाँ डिजाइन, सम्पूर्ण भिज्युअल अनुभव, शक्तिशाली ब्याट्री एवं सहजै कनेटक्ट गर्न सकिने सुविधाजनक प्रविधि जडान गरिएको कम्पनीले बताएको छ।
ए७०एसमा एआई गेम बुस्टर, ४५०० एमएएचको ब्याट्री, तथा २५ वाटको सुपर फास्टचार्जिङ्ग विशेषता रहेको छ।
यस स्मार्टफोनमा अक्टाकोर क्वालकोम स्न्यापड्रयागन ६७५ प्रोसेसर जडान गरिएको छ।
यो स्मार्टफोन ग्राहकले प्रिज्मक्रश रेड, प्रिज्मक्रश व्हाइट र प्रिज्मक्रश ब्ल्याक गरी तीन रङमा किन्न पाउँछन्। यसको स्टोरेज क्षमता ६ जिबी र्याम र १२८ जिबी रोम रहेको छ।
यसको नेपाली बजार मूल्य ४८ हजार ८ सय ९० रहेको कम्पनीले बताएको छ। यो फोन सामसङका आधिकारिक विक्री कक्षहरुबाट नेपाल अधिराज्यभर किन्न सकिन्छ।
