चिनीयाँ मोबाइल कम्पनी ओपोले २०१९ मा १० ओटा स्मार्टफोन नेपाली बजारमा ल्याएको छ।
ती ओपो एफ९ ‘जेड ग्रिन लिमिटेड एडिसन’, ओपो एफ११, ओपो एफ११ प्रो, ओपो एफ११ प्रो मार्भल्स एभेन्जर्स लिमिटेड एडिसन, ओपो रेनो १०एक्स जुम, ओपो एफ११ प्रो ‘ज्वेलरी ह्वाइट’, ओपो ए५ २०२०, ओपो ए९ २०२०, ओपो रेनो २एफ र ओपो ए९ २०२० भेनिला मिन्ट एडिसन हुन्।
साथै कम्पनीले यो अवधिमा नयाँ सिरिज ‘ए’ र ‘रेनो’ भित्र्याएको छ।
एफ९ ‘जेड ग्रिन लिमिटेड एडिसन
यो जनवरीमा नेपाली बजारमा सार्वजनिक भएको हो। यसको डिजाइनमा हरियो, सेतो र सुनौलो रंगको मिश्रण गरिएको छ।
एफ९मा ९०.८ प्रतिशत डिस्प्ले ओगट्ने उच्च स्क्रिन टू बडी रेसियोको प्रयोग गरिएको छ ।
फोनको प्यानललाई कोर्निङ गोरिल्ला ग्लास ६ मार्फत सुरक्षा दिइएको छ। फोनमा रहेको नोचमा सेल्फीका लागि २५ मेगापिक्सेलको क्यामेरा र पोट्र्रेर तथा बोके शट्सका लागि १६ एमपीका साथमा २ एमपी डेप्थ सेन्सर सहितका क्यामेराको ब्यवस्था गरिएका छ।
४ जिबी र्याम र ६४ जिबी रोमका साथमा मिडियाटेक हिलियो पी६० जडान गरिएको छ। यसमा भोक फास्ट चार्जिङ प्रविधि सपोर्ट गर्ने ३ हजार ५ सय एमएएच क्षमता सहितको ब्याट्री जडान गरेको छ।
विभिन्न ग्राडियन्ट रंगमा सार्वजनिक गरिएको ओपो एफ९ आकर्षक रंग र डिजाइनका कारण नेपाली उपभोक्ताको लोकप्रिय स्मार्टफोन बनेको छ।
ओपो एफ११ः
यस सिरिज अन्तर्गत ओपो एफ११, ओपो एफ११ प्रो, ओपो एफ११ प्रो मार्भल्स एभेन्जर्स लिमिटेड एडिसन र ओपो एफ११ प्रो ‘ज्वेलरी ह्वाइट’, नेपाली बजारमा सार्वजनिक भएको छ।
एफ११ सिरिजका ४ ओटै स्मार्टफोन ग्राहकको रोजाईमा परेको कम्पनीले बतााएको छ।
ओपो एफ११, ओपो एफ११ प्रो र ओपो एफ११ प्रो मार्भल्स एभेन्जर्स लिमिटेड एडिसन स्मार्टफोन अप्रिलमा नेपाली बजारमा प्रवेश गरेको हो भने ओपो एफ११ प्रो ‘ज्वेलरी ह्वाइट’ जुलाईमा आएको हो।
ओपो रेनो सिरिजः
यो सिरिज अन्तर्गत दुईओटा स्मार्टफोन नेपाली बजारमा आएको छ। ती ओपो रेनो २एफ र ओपो रेनो १०एक्स जुम हो।
यी स्मार्टफोनमा पानोरामिक एमोलोइड डिस्प्ले जडान गरिएको छ। यो फ्ल्यागसिप फोन अन्तर्गत पर्दछ। यसका दुवै स्मार्टफोनलाई ग्राहकले मन पराएको कम्पनीले बताएको छ।
ओपो ए सिरिजः
यो सिरिज अन्तर्गत ओपोले तीनओटा स्मार्टफोन नेपाली बजारमा ल्याएको छ। ती ओपो ए५ २०२०, ओपो ए९ २०२० र ओपो ए९ २०२० भेनिला मिन्ट एडिसन हो।
ओपो ए५ २०२० र ओपो ए९ २०२० ले सेप्टेम्बरमा प्रवेश गरेको हो भने भेनिला मिन्ट एडिसन भर्खरै आएको छ।
यसका तीनओटै फोनले नेपाली बजारमा राम्रो स्थान लिएको कम्पनीले बताएको छ।
