एनसेल प्राईभेट लिमिटेडले ‘एनसेल मेला २०७६’ बुटवलका सिद्धेश्वरी स्कुल मैदान, दीपनगरमा आयोजन गर्ने भएको छ।यो मेला एनशेलले सनिबार आयोजना गर्ने भएको हो।
एनसेलले आफ्नो ब्राण्डको सार ‘आज, भोलि, सधै सँगै’ को अनुरुप नेपाल भ्रमण वर्ष २०२० लाई सघाउ पुर्याउँदै आन्तरिक पर्यटन प्रवद्र्धन गर्ने लक्ष्यका साथ आयोजना गर्ने बताएको छ।
कलाकार तथा सांगीतिक समुहहरुको प्रस्तुती, किड्स जोन, गेम स्टलहरु, फुड स्टलहरु विभिन्न फिजीकल एक्टिभिटी बुथहरु, स्थानीय पर्यटन गन्तव्यहरुको प्रवद्र्धन र एनसेलका विभिन्न सेवा तथा सुविधाहरुमा अफर र उपहारहरु यस मेलामा समावेश गरिएका छन्।
यो मेला ११ बजे शुरु भई कन्सर्टसहित साझ ६ बजे आयोजना हुनेछ।
मेलामा प्रवेश निःशुल्क हुनेछ र थुप्रै गेम स्टलहरुमा दर्शकले मनोरन्जन लिनुका साथै विभिन्न पुरस्कारहरु पाउनसक्ने एनेसेलले बताएको छ।
मेलामा आउनेले एनसेलको फोरजी र अरु प्रोडक्टहरुका थिम गेमहरुको आकर्षक पुरस्कारहरु समेत जित्न सक्नेछन्।
