स्कुल, कलेज तथा बिभिन्न शैक्षिक संस्थाहरुको बस लगायत अन्य यातायात व्यवस्थापन सहजताका लागि नेपाली बजारमा हालै स्कूल बाई अटोम्याटिक्स सार्वजनिक भएको छ।
सिजि होल्डिङ्स चौधरी ग्रुप अन्तर्गत सुर्यबिनायक गुन्डुस्थित काठमाडौं वर्ल्ड स्कुलमा आयोजना गरिएको कार्यक्रममा हस्तान्तरण गरिएको थियो।
कार्यक्रममा काठमाडौं वर्ल्ड स्कुलका अध्यक्ष ईन्जिनियर मिथिलेश कुमार झा, सिप्रदी ट्रेडिङ प्रा.लि.का सि.ओ.ओ. राजेश प्रसाद गिरी, प्रिन्सिपल राजीव क्षेत्रीको उपस्थिति रहेको थियो।
कार्यक्रममा काठमाडौं वर्ल्ड स्कुलका प्रिन्सिपल राजीव क्षेत्रीले आफ्नो स्कुल अन्तराष्ट्रिय प्राथमिक पाठ्यक्रम समाबेश गर्नुको साथै विश्वास्तरिय पूर्वाधारमा बनिएको नेपालको उच्चस्तरीय शिक्षण संस्था भएको बताए।
नयाँ सहकार्यबाट अभिभावक तथा बाल बालिकाहरुको दैनिक जीवनमा अझै सहजता हुने उनको दाबी छ।
