शाओमीले रेडमी एयरफोन नेपाली बजारमा सार्वजनिक गरेको छ। अडियो सिरिजमा यसअघि विभिन्न उत्पादनहरु नेपाली बजारमा ल्याइसकेको कम्पनीले एयरफोन पनि ल्याएको हो।
शाओमी नेपालले गत वर्षदेखि आफ्नो फोन प्लस रणनीतिको अंशको रुपमा अडियो श्रेणीमा प्रवेश गरेको थियो। केही समय अघिमात्र रेडमी इयरबर्डस एस सार्वजनिक गरेको थियो।
रेडमी इयरफोनले प्राकृतिक र यर्थाथपरक सुन्ने अनुभव प्रदान गर्ने शाओमी नेपालका कन्ट्री जनरल म्यानेजर सौरभ कोठारीले जानकारी दिए। १० एमएम ध्वनी ड्राइभरले गतिशील बेस, स्पष्ट कण्ठ र परिष्कृत ट्रेबल ल्याउने उनको दाबी छ। १.५ मिटर लामो केबल वाइ टाइपको रहेको छ।
रेडमी इयरफोन कालो, निलो र रातो रंगमा उपलब्ध हुनेछ । यसको मुल्य नेपाली बजारमा ७४९ रुपैयाँ रहेको छ। देशभरका आधिकारिक मी स्टोर, रिटेल र अनलाईन च्यानलमा छिट्टै उपलब्ध हुने कम्पनीले जानकारी दिएको छ ।
