चिनियाँ इलेक्ट्रोनिक्स उत्पादक कम्पनी शाओमीले नेपाली बजारमा पछिल्लो समय स्मार्टफोनसँगै अन्य उत्पादनहरु पनि ल्याउन सुरु गरेको छ।
स्मार्टफोनसँगै ब्यान्ड ल्याएको कम्पनीले पछिल्लो समय अडिओ सिरिजका विभिन्न उत्पादनहरु ल्याइरहेको छ।
बजेट सेग्मेन्टका स्मार्टफोन धेरै ल्याउने शाओमीका अन्य धेरै उत्पादनहरु नेपाली बजारमा आउँदैनन्। अब भने कम्पनीले स्मार्ट टिभी पनि भित्र्याउने तयारी गरिरहेको छ।
शाओमी नेपालका सम्बद्ध अधिकारीहरुका अनुसार नेपाल मिति निश्चित नभएपनि कम्पनीले स्मार्ट टिभी ल्याउने तयारी गरिरहेको छ।
भारतीय बजारमा उच्च बजार हिस्सा भएको शाओमीका टीभीहरु नेपाली बाजारमा इन्ट्री लेभलमै आउने छन्।
