सामसङ नेपालले चाडवाडको अवसरमा आफ्ना उपभोक्ताका लागि नयाँ 'अफर' सार्वजनिक गरेको छ। कम्पनीले सामसङ मोबाइल पारखीहरूका लागि 'बडा दसैं बिग, धमाका' योजना सार्वजनिक गरेको हो।
कम्पनीद्वारा जारी विज्ञप्तिका अनुसार सामसङको कुनै पनि स्मार्टफोन तथा ट्याब किन्दा यो अफरमा सामेल हुन सकिन्छ। यस्ता ग्राहकलाई साप्ताहिक एवं बम्पर लक्की ड्रको व्यवस्था गरिएको छ।
अफर अन्तर्गत एक जना विजेतालाई बम्पर बिग धमाका लक्की ड्र मार्फत् रेनो डस्टर कार प्रदान गरिनेछ। साथै साप्ताहिक बिग धमाका लक्की ड्र मार्फत् ५ जना विजेतालाई होन्डा हर्नेट-१६० मोटरसाइकल प्रदान गरिनेछ। त्यस्तै १० जना विजेतालाई सामसङ ग्यालेक्सी नोट-२० प्रदान गरिने कम्पनीले जनाएको छ।
साप्ताहिक लक्की ड्र तथा बम्पर लक्की ड्रको घोषणा सामसङको आधिकारिक फेसबुक पेज मार्फत् गरिने छ। बम्पर उपहार स्वरुप राखिएका पुरस्कारहरू कार, मोटरसाइकल तथा स्मार्टफोनको सट्टामा नगद उपहार भने प्रदान नगरिने पनि कम्पनीले स्पस्ट पारेको छ।
यो योजना यही असोज १६ गतेदेखि मंसिर २ गतेसम्म लागू हुने छ। लक्की ड्र विजेताहरू असोज २२ गते, २९ गते, कात्तिक ६ गते, २० गते, २७ गते घोषणा गरिनेछ। बम्पर लक्की ड्र विजेता भने मंसिर ४ गते घोषणा गरिनेछ।
कम्पनीका अनुसार यो योजना नेपालभर रहेका सामसङ मोबाइलका आधिकारिक वितरक हिम इलेक्ट्रोनिक्स प्रा.लि. तथा आइएमएस प्रा.लि अन्तगर्तका सामसङ ब्रान्ड पसल तथा रिटेलमार्फत् गरिएको खरिदमा लागू हुने छ।
