नेपाली बजारमा सामसुङ ग्यालेक्सी जेड फोल्ड–२ को बुकिङ खुलेको छ। उक्त फोन ग्राहकले अनलाइन बजार स्मार्ट डोकोमा पाउँने छन्।
यस स्मार्टफोनमा ग्लास स्क्रिन राखिएको छ। जसलाई प्रयोगकर्ताले किताब जस्तै फोल्ड गर्न सक्नेछन्।
फोनमा ह्यान्ड्स फ्री क्यामेरा जडान गरिएकोले प्रयोगकर्तालाई हात हल्लाएर फोटो खिच्न सघाउँछ।
प्रि बुकिङ गर्ने ग्राहकले १९ हजार ९ सय ९९ को बड्स लाइभ निशुल्क पाउने छन्। त्यस्तै, ग्राहकले १ वर्षको बीमा सुविधा समेत दिएको छ।
यो फोन वेभसाइटमा गएर बुकिङ गर्न सकिने छ। बुकिङ असोज २८ गतेसम्म खुला गरिएको कम्पनीले बताएको छ।
प्रि बुकिङ गर्न ५ हजार भुक्तानी गर्नु पर्ने छ। फोनको मूल्य २ लाख ४९ हजार ९ सय ९९ तोकिएको छ।
