क्लासिक टेक प्रालिले ग्राहका लागि ५ हजार ५ सयसम्मको छुट पाइने अफर ल्याएको छ। कम्पनीले ५ हजार ५०० मूल्य बराबरको इन्टरनेट सेवाको रिचार्जमा छुट र बोनस दिने भएको हो।
दसैंको अवसरमा ल्याएको यो अफरअनुसार कम्पनीका हालका ग्राहकहरुले इन्टरनेट सेवाको १ वर्षको रिचार्ज गरेमा उक्त छुट पाउने छन्। त्यसैगरी ग्राहकहरुले ६ महिनाको इन्टरनेट सेवा रिचार्ज गरेको खण्डमा २ हजार ८ सय बराबरको छुट पाउने बताइएको छ।
कम्पनीले पुराना ग्राहकहरुको लागि नयाँ रेफर अफर समेत सार्वजनिक गरेको छ।
यसअनुसार क्लासिक टेकको मोबाइल एपमा गएर रेफरमा क्लिक गरी आफ्ना साथीभाई तथा आफन्तहरुको नाम र नम्बर ठेगाना राख्नुपर्ने हुन्छ।
उनीहरुले रेफर योजनाअन्तर्गत १ वर्षको सब्सक्रिप्सनमा २ महिनाको बोनस इन्टरनेट र आईपी टिभी सेवा निशुल्क पाउने छन्।
६ महिनाको सब्सक्रिप्सनमा १ महिनाको बोनस इन्टरनेट सेवा र आईपी टिभी निशुल्क पाउनेछन्। तीन महिनाको सब्सक्रिप्सनको साथमा १५ दिनको बोनस र आईपीटिभी उपलब्ध हुने बताइएको छ।
यो योजना नेपालभर रहेका क्लासिक टेकका ग्राहकहरुको लागि हुने क्लासिक टेकका प्रमुख सेल्स र मार्केटिङ्ग अफिसर बिनय अधिकारीले जानकारी दिए।
रेफर गर्ने तरिका
क्लासिक टेकको मोबाइल एप गूगल प्ले स्टोर र एप्पल एप स्टोरबाट डाउनलोड गर्ने।
स्टेप १ः क्लासिक टेकले दिएको यूजरनेमर पासवर्डका साथमा लगइन गर्ने
स्टेप २ः रेफर ट्याबमा क्लिक गर्ने
स्टेप ३ः नयाँ पेज देखापर्नेछ। त्यसमा तपाईँले रेफर गर्न चाहेको तपाईँको साथिको बारेमा आवश्यक जानकारी हाल्ने
स्पेट ४ः फर्म भरिसकेपछि त्यहाँ रहेको सबमिटमा क्लिक गर्ने।
स्टेप ५ः इन्स्टलेशन र कुल भुक्तानी सम्पन्न भएपछि इन्टरनेट र आईपिटिभीमा बोनस पाइनेछ।
