बुद्ध एयरले आमा बन्दै गरेका यात्रुका लागि अनलाइन सपिङ दराजको सहकार्यमा गिफ्ट ह्याम्पर प्याकेज दिने भएको छ। एक महिनासम्म सञ्चालन हुने यो योजना आजबाट (जुन १९) सुरू भएको हो।
यसका लागि टिकट काटिसकेपछि बुद्ध एयरको वेबसाइटमा केही जानकारी भर्नुपर्ने हुन्छ। बुद्धले 'लक्की ड्र' मार्फत विजेतालाई एक हजार पाँच सय रुपैयाँ बराबरको सामग्री उपहार दिनेछ।
गिफ्ट ह्याम्परमा बच्चाका लागि डायपर, वेट वाइप्स, नरिवल तेल र बेबी पाउडर हुनेछ। साथै, आमाका लागि अण्डर आइ क्रिम र ५० प्रतिशत छुटसहितको ब्युटीपार्लर कुपन हुनेछ।
