आखिर कसको भाउ कति यहाँ?
हिजोको भाउ आज कति यहाँ?
आजको भाउ भोलि कति यहाँ?
एकै वचन मिठो बोल्दा कति
लाग्छ भाउ यहाँ?
झुकेर बोल्दा कस्को कति
झर्छ भाउ यहाँ?
आखिर कसको भाउ कति यहाँ?
राम्रो नियतलाई नराम्रो देखाइदिने
आँखाको भाउ कति यहाँ?
पराइलाई आफ्नै ठान्न बाध्य बनाईदिने
मनको भाउ कति यहाँ?
पालुवालाई मन्द हल्लाउने पवनलाई
हुरी बनाइदिने हावाको भाउ कति यहाँ?
कचिलो माटोमा एक्लै बढेर हावामा
रंगिबिरंगी फूल फुलाइदिने बोटको भाउ कति यहाँ?
कसैलाई मिठो लाग्ने भाउ
अरुलाई तीतो हुने भाउको भाउ कति यहाँ?
आखिर कसको भाउ कति यहाँ?
आखिर कसको भाउ कति यहाँ?
