सपना बोकी आएँ म सहर
पूरा गर्न बा-आमाको रहर
गर्नु छ मलाई धेरै पढाइ
आएका सपनासँग लडाइँ।
छाडी आउन मन थिएन तराई
आफन्तसँग हुन पराई
प्रतिस्पर्धी धेरै यहाँ गर्न तयार छु लडाइँ
एकदिन घर फर्कने छु बाआमाको इज्जत बढाई।
चल्नु छ यहाँ अवस्था हेरी
समयसँग रंग फेरि
अझै याद छ बा-आमाले अन्तिम पटक भनेको
धनी होइन, ठूलो मान्छे हेर्नु छ बाबु तिमी बनेको।
कोही छैन आफ्नो ठान्ने
सबै जना खुट्टा तान्ने
बिरानो सहर यो बिरानो ठाउँ
बेग्लै पहिचान बोकी बनाउने छु नाउँ(नाम)।
अविकसित नै छ अझै मेरो सुन्दर त्यो गाउँ
सपना बोकेको छु बनाउने सुबिधा सम्पन्न ठाउँ
शिक्षाको स्तर उकास्नु छ मेरो गाउँमा अझै
कोही सहर आउन नपरोस् शिक्षाको लागि म झैँ।
