बम बारुद पड्काएर, तर्साएर राज्य जित्दैछौ
मान्छेको लागि मान्छे मारेर सिमाना मिच्दैछौ
मान्छे मारेरै राज गर्ने हे सन्काहा मान्छे, होस गर
तिम्रा विरुद्ध पनि यस्तै होला नि गलत बाटो लिँदै छौ
निर्दोश मान्छेहरू तिम्रो सनककै भरमै मार्दैछौ
यो युद्ध तिमीले जित्लाउ बाँकी युद्धहरू तिमीले हार्दैछौ
तिम्रो नियति पनि त्यही मृत्यु होइन र, होस गर
सही प्रयोग गर्नुपर्ने उर्जाहरू गलत प्रयोग गर्दैछौ
मानव जीवन नै संकटमा पार्ने बाटो तिर लाग्दैछौ
परमाणु अस्त्र पड्काउने धम्की दिँदै तिमी जाग्दैछौ
भयो अब युद्द बन्द गर, मान्छे मार्न बन्द गर, होस गर
द्वन्दको भूमरीमा परेर तिमी शान्तिबाट धेरै टाढा भाग्दैछौ।
