खै! फलानाले
यसो गर्यो अरे
आफ्नो धुरीभन्दा
फलानाको ठूलो भयो रे
आफ्नो कमाइ दुःखको रे
फलानोको फोकटको रे
खै! फलानाले
उसो गर्यो अरे
आफ्नो बारीभन्दा
फलानाको बारी हरियो भयो रे
आफ्नो मेहनत सक्कली रे
फलानाको नक्कली रे
खै! फलानाले
यसो गर्यो अरे।
आफ्नो सन्तानभन्दा
फलानाको टाठो-बाठो भयो रे
आफ्नो आनुवंशिक सोझो रे
फलानाको चण्डाल रे
खै! फलानाले
उसो गर्यो अरे।
खै! फलानाले
यसो गर्दै छ रे।
फलाना हाँस्यो रे
फलाना रोयो रे
फलाना बस्यो रे
फलाना खायो रे
खै! फलानाले
उसो गर्दै छ रे।
आफ्नो कर्मधर्मको रे
फलानाको पापको रे
आफ्नो सोचाइ सही रे
फलानाको गलत रे
खै! फलानाले
के गर्यो रे
खै! फलानाले
उसो गर्यो रे
खै! फलानाले
यसो गर्यो रे।
आफ्नो भोलि के
छ थाहा छैन तर
फलानाको यसो पक्का हुन्छ रे
फलानाको उसो पक्का हुन्छ रे
खै! फलानाले
यसो गर्यो रे।
खै! फलानाले
के गर्यो रे।
खै! फलानाले
उसो गर्यो रे
खै! फलनाले
यसो गर्यो रे।
