जीवनमा सुख पनि छ दुःख पनि छ
त्यसैले जीवन अनमोल छ
आउँछ नयाँ वर्ष खुसी र उमंग लिएर
जगत रमाओस् नयाँ तरंग लिएर
भन्न नपरोस् तेरो मेरो यहाँ केही
जे छ, जस्तो छ रमाउन सकौँ यहीँ
आए, गए नयाँ वर्ष कति
कुनै वर्ष हुँदा रहेछन् धेरै खास
बाँच्न परोस् कसैको नगरी आश
माया प्रेम सद्भाव राख्न सकौँ
साना-ठूला सबैको मान राख्न सकौँ
नराम्रा अवगुण हटाउन प्रयत्न गरौँ
अब हामी नयाँ प्रण गरौँ
नहोस् हामीबाट त्यस्तो गल्ती
संस्कारलाई आत्मसात गर्दै लम्कौँ अघि-अघि
आए गए नयाँ वर्ष कति
बन्यो मेरो लागि विशेष त्यो एउटा नयाँ वर्ष
सोचेभन्दा धेरै पाएँ
खोजेभन्दा अमूल्य पाएँ
जीवन साँच्चीकै सार्थक लाग्यो
यस्तै बनोस् नयाँ वर्ष सधैँ
अतुलनीय होस्, सगरमाथाको शीरजस्तो उच्च होस्
समुन्द्रजस्तो विशाल होस्, सदैव विशेष होस्
नयाँ वर्ष, नयाँ वर्ष।
