पत्रकार पोषण केसी राजनीतिमा सक्रिय भएका छन्।
उनी नेपाली कांग्रेस बाँके प्रतिनिधि सभा निर्वाचन क्षेत्र नम्बर १ को सभापतिमा निर्वाचित भएका छन्।
केसी वरिष्ठ नेता रामचन्द्र पौडेलनिकट मानिन्छन्। उनले माधवराम खत्रीलाई ४७ मतले हराएका हुन्। खत्री सभापति शेरबहादुर देउवानिकट हुन्।
केसीले ३१६ मत ल्याएका थिए भने खत्रीले २६९ मत ल्याएका थिए।
केसी पहिले नेपाल पत्रकार महासंघमा नेपाल प्रेस यूनियनबाट अध्यक्षमा उम्मेदवारसमेत बनेका थिए।
