नेपाली कांग्रेस दाङ जिल्ला कार्यसमितिको सचिव पदमा बालिका लम्साल (नेपाल) निर्वाचित भएकी छन्।
शनिबार भएको अधिवेशनबाट उनले एक हजार पाँच सय मत प्राप्त गरेर सचिव जितेकी हुन्।
सभापति शेरबहादुर देउवानिकट भूपबहादुर डाँगी प्यानलबाट उनी सचिव पदको उम्मेदवार थिइन्।
उनी नेविसंघबाट पार्टी राजनीतिमा आएकी हुन्। उनी तरूण दलको केन्द्रीय प्रतिनिधिसमेत भएकी थिइन्।
उनी १३ औं महाधिवेशनबाट दाङ जिल्ला सदस्य निर्वाचित भएकी थिइन्। उनले आफू निष्ठाको राजनीति गर्दै आएकी बताउने गर्छिन्।
सचिव पदमा चार जना उठेका थिए। सचिव पदमा संस्थापनइतरका अर्जुनकुमार योगी पनि निर्वाचित भए। कांग्रेसमा दुई सचिव निर्वाचित हुने व्यवस्था छ।
