नेपाली कांग्रेस काठमाडौं जिल्ला कार्यसमितिका लागि आज निर्वाचन हुने भएको छ।
आज उद्घाटन सत्रपछि निर्वाचन हुनेछ।
काठमाडौं सभापतिका लागि अहिलेकै सभापति कृष्णसबुज बानियाँ र नेता उपेन्द्र कार्की चुनावी मैदानमा छन्।
बानियाँलाई नेता प्रकाशमान सिंह र केन्द्रीय सदस्य गगन थापाको समर्थन छ भने कार्कीलाई सभापति शेरबहादुर देउवा र पूर्वमहामन्त्री कृष्णप्रसाद सिटौला पक्षको समर्थन छ।
काठमाडौंमा सिंह-थापा पक्ष हाबी छन्। वडा, पालिका, प्रदेश सभा र प्रतिनिधि सभामा सिंह-थापा पक्ष हाबी देखिएको थियो।
मंसिर १० मा जिल्ला अधिवेशन गर्ने भने पनि हल नपाएका कारण देखाएर आजका लागि अधिवेशन सारिएको थियो।
