नेपाली कांग्रेस गुल्मीको सभापतिमा खिलध्वज पन्थी निर्वाचित भएका छन्।
उनले एक हजार दुई सय ७१ मत ल्याएका थिए।
उनले सभापतिका अर्का उम्मेदवार बेदबहादुर थापालाई हराएका हुन्।
थापाले जम्मा तीन सय ८४ मत मात्रै ल्याएका थिए।
सभापतिमा निर्वाचित पन्थी वरिष्ठ नेता रामचन्द्र पौडेलनिकट मानिन्छन्।
उपसभापतिमा अनन्तराम पौडेल र शिव खत्री निर्वाचित भए भने सचिवमा जगदिश भट्टराई र भगत खड्का निर्वाचित भएको कांग्रेस गुल्मीले जनाएको छ।
साथै सहसचिवमा छवि पाण्डे र धर्म पाण्डे निर्वाचित भएका छन्।
