नेपाली कांग्रेस कपिलबस्तु सभापतिमा अब्दुलकलाम खाँ निर्वाचित भएका छन्।
नौ सय २८ मतसहित उनी सभापतिमा निर्वाचित भएका हुन्।
सभापतिका अर्का उम्मेदवार राजेश आचार्यले आठ सय १९ मत ल्याएका थिए।
सभापति जितेका खाँ वरिष्ठ नेता रामचन्द्र पौडेलनिकट मानिन्छन्। सभापतिका अर्का उम्मेदवार आचार्य भने संस्थापन पक्षका हुन्।
यहाँ कार्यसमितिका अधिकांश पदमा पौडेल पक्षका नेताले जितेका छन्।
साथै उपसभापतिमा रजत आचार्य र हुमाकान्त खनाल विजयी भएका छन्।
सचिवमा खोमसिंह ठकुरी र प्रेम रायमाझी निर्वाचित भए भने सहसचिवमा मोहम्मद वजिह अरसद र वीरेन्द्र शुक्ला निर्वाचित भएको कांग्रेसले जनाएको छ।
