नेपाली कांग्रेस बर्दियाको सभापतिमा अरूणप्रकाश सिंह राठौर निर्वाचित भएका छन्।
उनी ८७० मतसहित निर्वाचित भएका हुन्।
सभापतिका अर्का उम्मेदवार भुवनेश्वर चौधरीले छ सय ७८ मत ल्याएका छन्। बर्दियामा एक हजार पाँच सय ७५ मत खसेको थियो।
सभापतिमा निर्वाचित राठौर सभापति शेरबहादुर देउवानिकट मानिन्छन्।
उपसभापतिमा गोविन्दप्रसाद थारू र सोदे विष्ट निर्वाचित भएका छन्।
सचिवमा भने मीनराज चौधरी र जग्गाप्रसाद पाण्डे र सहसचिवमा तिलकराम लम्साल र मेकबहादुर गुरुङ निर्वाचित भएको कांग्रेस बर्दियाले जानकारी दिएको छ।
राठौर पक्षले प्यानल नै जितेको छ।
