नेपाली कांग्रेस धनकुटा सभापतिमा दिनेश राई निर्वाचित भएका छन्।
पाँच सय चार मतसहित राई सभापति निर्वाचित भएका हुन्।
सभापतिका अर्का उम्मेदवार कमोठ फागोले चार सय ७० मतमात्रै ल्याएका थिए।
सभापति निर्वाचित राई सभापति शेरबहादुर देउवानिकट मानिन्छन्।
उपसभापतिमा सुनिल डंगोल र निर्मल ओझा निर्वाचित भए भने सचिवमा विजय सन्तोषी राई र जयन्द्र घिसिङ निर्वाचित भए।
सहसचिवमा भने रोशन श्रेष्ठ र गिरिजा दाहाल निर्वाचित भएको कांग्रेस धनकुटाले जनाएको छ।
