नेपाली कांग्रेसका नेता प्रकाशमान सिंहले महाधिवेशन तयारीका लागि सम्पर्क कार्यालय खोल्ने भएका छन्।
सिंहदरबारअगाडि यलम्बर पार्टी प्यालेस भाडामा लिएर सिंहले सम्पर्क कार्यालय खोल्न लागेका छन्।
मंगलबार बिहान उक्त सम्पर्क कार्यालय शुभारम्भ गर्ने कार्यक्रम छ।
नेता तथा कार्यकर्ता भेटघाटलाई सजिलो होस् भनेर सम्पर्क कार्यालय खोलिएको सिंहको सचिवालयले जनाएको छ।
सिंह यही मंसिर २४ देखि २७ गतेसम्म काठमाडौंमा हुने कांग्रेसको १४ औं महाधिवेशनमा सभापति पदमा उम्मेदवारी दिने तयारीमा छन्।
सिंहले मंगलबार बिहान ८ बजेदेखि उक्त सम्पर्क कार्यालयबाटै नेता तथा कार्यकर्तालाई भेट्नेछन्।
