पूर्व प्रधानमन्त्री एवं नेकपा एमालेका अध्यक्ष केपी शर्मा ओलीले नेपाली कांग्रेसको १४ औं महाधिवेशनमा शुभकामना सन्देश दिने क्रममा माइकमा गडबढी देखिएको छ।
उनले सम्बोधन गरिरहेकै बेला माइकमा समस्या आएको हो।
तीनपटकसम्म समस्या भएपछि ओलीले एकाएक ‘ल मेरो शुभकामना छ’, भन्दै हिँडे।
ओली बिचमै छोडेर हिँडेपछि कार्यक्रम सञ्चालन गरिरहेका कांग्रेस प्रवक्ता विश्वप्रकाश शर्माले प्राविधिक गडबडी भएको भन्दै पुनः उनलाई सम्बोधनका लागि बोलाए।
फेरि सम्बोधनका लागि आए पनि ओलीले धेरै बोलेनन्। अन्त्यमा उनले नयाँ नेतृत्व चयनका लागि शुभकामना दिँदै बिदा लिए ।
