नेपाली कांग्रेसका नेता प्रकाशमान सिंहले कांग्रेस १४ औं महाधिवेशनमा सभापतिमा निर्वाचित शेरबहादुर देउवालाई बधाई दिएका छन्।
उनले सामाजिक सञ्जाल फेसबुकमा कमेन्ट गर्न नमिल्नेगरी देउवालाई बधाई दिएका हुन्। सभापतिका लागि दोस्रो चरणको निर्वाचन हुनुअघि देउवालाई समर्थन गर्ने भनेपछि कुनै पद लिने सम्झौता गरेको भन्दै उनको चर्को आलोचना भएको थियो। पछि उनले स्पष्टीकरण नै दिनु परेको थियो।
सभापतिमा निर्वाचित भएका देउवालाई प्रकाशमान, विमलेन्द्र निधि, कल्याण गुरूङले समर्थन गरेका थिए।
मंगलबार भएको दोस्रो चरणको निर्वाचनमा शेखर कोइरालाई हराउँदै उनी दोस्रो पटक सभापति चुनिएका छन्।
