धादिङको थाक्रे गाँउपालिका १ धारापानी खोल्सामा मिनि ट्रक दुर्घटना हुँदा चालकको मृत्यु भएको छ। ट्रकमा सवार ३ जना घाइते भएको प्रहरीले जनाएको छ।
सिम्लेबाट थाक्रेतर्फ जादै गरेको बा १ ख ९८४२ नम्बरको आईचर ट्रक सोमबार राति साढे ११ बजे, सडकबाट अन्दाजी एक सय मिटर तल खसेको हो।
दुर्घटनामा चालक धादिङ थाक्रे १ का बल बहादुर तामाङको सोही ट्रकले च्यापिएर घटनास्थलमै मृत्यु भएको अस्थाई प्रहरी पोष्ट सिम्लेले जनाएको छ।
दुर्घटनामा घाइते भएका टिका राम तामाङ, राजेश तामाङ र कमल तामाङलाई भने उद्धार गरि उपचारको लागी राष्ट्रिय ट्रमा सेन्टर काठमाडौं ल्याइएको छ। घाईते मध्ये टिकारामको अवस्था भने गम्भीर रहेको छ।
