संखुवासभाको खादबारी नगरपालिका १० चन्दनपुरस्थित नन्दलाल गौतमको घरमा अज्ञात समूहले आगो लगाइदिएका छन्।
आइतबार साँझ सवा ५ बजेको समयमा लागेको आगोले साढे २ तले घर पूर्ण रूपमा क्षति भएको छ।
घरमा कोही नभएको मौकामा कसैले आगो लगाइदिएको गौतमका छोरा रविचन्द्रले जानकारी दिए। गौतमका अनुसार घरमा रहेको गरगहना, केही नगद र अन्न जलेर नस्ट भएको छ।
प्रारम्भीक अनुमान अनुसार करिब १ करोडभन्दा बढीको क्षति भएको छ।
घरमा चाबी लगाएर गौतम स-परिवार काठमाडौं गएका थिए। सोही मौका पारेर कसैले आगो लगाइदिएको उनीहरूको आशंका छ।
घटनाको अनुसन्धान गर्न जिल्लाबाट प्रहरीको टोली घटनास्थलतर्फ प्रस्थान गरिसकेको छ।
