‘ओरिएन्स ग्लोबल मार्केटिङ प्रालि’ नामक बहुराष्ट्रिय कम्पनीमा आबद्ध रही नेटवर्किङ व्यवसायको नाममा ठगी गर्ने थप दुई जनालाई प्रहरीले पक्राउ गरेको छ।
सो प्रालिमा आबद्ध रही नेटवर्किङ व्यवसायको नाममा ठगी गर्ने जिल्ला बर्दिया राजापुर नगरपालिका–३ टेडियागाउँ बस्ने २४ विर्षीया सीता थारू र चक्खापुरगाउँ बस्ने ३५ वर्षीय अर्जुन थारूलाई इलाका प्रहरी कार्यालय राजापुर बर्दियाबाट खटिइएको प्रहरी टोलीले पक्राउ गरेको हो।
उनीहरुलाई बर्दिया जिल्ला राजापुर नपा–३ बाट पक्राउ गरेको हो। ठगी गर्ने दुबै जनामाथि आवश्यक अनुसन्धान भइरहेको प्रहरी उपरीक्षक राजेशनाथ बाँस्तोलाले बताए।
