हेटौँडा उपमहानगरपालिका वडा नम्बर १० मा गएराति ना २७ प ८४२९ नम्बरको मोटरसाइकल दुर्घटना हुँदा एक जनाको मृत्यु भएको छ ।
मृत्यु हुनेमा मकवानपुरको साविक हाडीखोला–२ बस्ने ३१ वर्षीय भीम अर्याल रहेको जिल्ला प्रहरी कार्यालयका प्रवक्ता टीकाबहादुर कार्कीले जानकारी दिए।
मृतकको शव हेटौँडा अस्पतालमा राखिएको र मोटरसाइकललाई ठक्कर दिएको आशंकामा ना २ ख ९३३६ नम्बरको ट्रक र चालकलाई नियन्त्रणमा लिएको उनले बताए।
(रासस)
