गजुरी गाँउपालिका वडा नम्बर ६ दरियाल खोलाबाट बिहीबार एक सय किलोग्राम लागुऔषध चरेससहित दुई जनालाई प्रहरीले पक्राउ गरेको छ।
गाउँबाट चरेस बोकेर बजारतर्फ लाँदै गर्दा बाटोमा प्रहरीले उनीहरुलाई पक्राउ गरेको जिल्ला प्रहरी कार्यालयका सूचना अधिकारी एवं प्रहरी नायब उपरीक्षक रुपक खड्काले जानकारी दिए।
पक्राउ पर्नेमा गजुरी –२ का ३७ वर्षीय टेकबहादुर तामाङ र २६ वर्षीय विकास तामाङ रहेका छन्। उनीहरुलाई लागुऔषध ऐन अन्तर्गत मुद्दा चलाइने प्रहरीले जनाएको छ।
लागुऔषध चरेस बोक्न प्रयोग गरिएको प्रदेश नम्बर ३ –०२–०११ प ७४५८ र बा ९७ प ४९९९ नम्बरको मोटरसाइकल प्रहरीले बरामद गरेको छ।
(रासस)
