बाँकेको कोहलपुरस्थित मेडिकल कलेज आजदेखि पूर्णरुपले बन्द गरिएको छ।
शिक्षण अस्पतालमा उपचारका लागि भर्ना भएका अछाम जिल्लाका दुई विरामीमा कोरोनाको संक्रमण देखिएपछि अस्पताल बन्द गरिएको हो।
अछाम जिल्लास्थित बयलपाटा अस्पतालले गर्भवती र आन्द्रामा समस्या भएका विरामी कोहलपुर सिफारिश गरेको पाइएको छ।
शिक्षण अस्पताल कोहलपुरमा ती बिरामीको जाँच गर्दा कोरोना संक्रमण देखिएको नेपालगञ्ज मेडिकल कलेज शिक्षण अस्पताल कोहलपुरका उपनिर्देशक दिनेश श्रेष्ठले जानकारी दिए।
ती विरामीको शल्यक्रिया गर्ने तयारी गरिए पनि कोरोना संक्रमण देखिएपछि रोकिएको छ। (रासस)
