महानगरीय ट्राफिक प्रहरी महाशाखा, रामशाहपथका दुई जना ट्राफिक प्रहरीलाई कोरोना भाइरसको संक्रमण भएको छ।
बिहीबार महाशाखाका दुई जनामा संक्रमण पुष्टि भएको स्रोतले बताएको छ।
तर महाशाखाका प्रवक्ता एसपी बामदेव गौतमले भने अपुष्ट खबर मात्रै आएको जानकारी दिए।
'अहिले हामीलाई अपुष्ट खबर आएको छ। जहाँबाट परीक्षण गरिएको हो त्यहाँबाट क्लियर रिपोर्ट आएपछि थाहा हुन्छ,'उनले भने।
संक्रमितहरू कुन तहका प्रहरी हुन् भन्ने खुलेको छैन।
