तनहुँको आँबुखैरेनी गाउँपालिका–२ ऐना पहरामा सुख्खा पहिरो खस्दा पृथ्वीराजमार्ग अवरूद्ध भएको छ।
सडक माथिको डाँडाबाट सुख्खा पहिरो खस्दा आज बिहान १० बजेदेखि राजमार्ग अवरूद्ध भएको हो।
अवरूद्ध राजमार्ग खुलाउने प्रयास भइरहेको जिल्ला प्रहरी कार्यालयले जनाएको छ।
पहिरो हटाएर राजमार्ग चलाउन डेढ घण्टा लाग्ने कार्यालयका प्रहरी नायब उपरीक्षक युवराज तिमिल्सिनाले जानकारी दिए।
‘सुख्खा पहिरोले राजमार्गमा ठूला ठूला ढुंगा खसेका छन्। यसलाई हटाउने प्रयास भइरहेको छ,’ उनले भने। रासस
