जिल्लामा कुटपिटबाट एक युवकको मृत्यु भएको छ।
कुशे गाउँपालिका–२ टालेगाउँका झलक सिंहको मृत्यु भएको जिल्ला प्रहरी कार्यालयले जनाएको छ।
बिहीबार सामान्य वादविवाद हुँदा टालेलेगाउँका २२ वर्षीय अर्जुन सिंहको कुटाइबाट उनको मृत्यु भएको जिल्ला प्रहरी कार्यालयका निमित्त प्रहरी प्रमुख यामबहादुर मल्लले बताए।
सिंहलाई स्वास्थ्य सेवा कार्यालय उपचार गर्दागर्दै शुक्रबार दिउँसो साढे १ बजे मृत्यु भएको मल्लले जानकारी दिए।
आक्रमणमा संलग्न भएको आशंकामा दुई जनालाई नियन्त्रणमा लिइएको उनले बताए।
कुटपिट गर्ने सिंह अहिले फरार रहेको प्रहरीले जनाएको छ।
घटनास्थलमा टेलिफोन सम्पर्क नभएका कारण थप विवरण आउन नसकेको प्रहरीको भनाइ छ।
(रासस)
