गोरखा दरबारबाट पठाइएको फूलपाती शुक्रबार अपरान्ह काठमाडौंको हनुमानढोकामा भित्र्याइएको छ।
साइतअनुसार नै हनुमानढोकामा फूलपाती भित्र्याइएको गोरखा दरबार हेरचाह अड्डाले जनाएको छ।
गोरखा दरबारका कर्मचारी चुडानिधि तिवारीले फूलपाती ल्याएका हुन्। यस वर्ष कोरोना महामारीले गर्दा सीमित व्यक्तिले भौतिक दूरी कायम गर्दै स्वास्थ्य सुरक्षाका विधि अपनाएर फूलपाती ल्याएका हुन्।
यसै सन्दर्भमा, सैनिक मञ्च टुँडिखेलमा सांकेतिक रूपमा फूलपाती बढाइँ गरिएको छ। विगतको जस्तो धेरै कार्यक्रम नगरी छोटो बढाइँ र टुकडीले सैनिक व्याण्ड प्रदर्शन गरिएको नेपाली सेनाले जनाएको छ।
तस्बिरहरू :
1603449665.jpg)
