मकवानपुरमा बस दुर्घटना हुँदा एक जनाको मृत्यु भएको छ।
शनिबार दिउँसो हेटौडाबाट चितवन जाँदै गरेको ना ५ ख ४६०९ नम्बरको बस हेटौडा–नारायणगढ सडकखण्डअन्तर्गत बस्तिपुरमा दुर्घटना भएको हो।
मृत्यु हुनेमा लमजुङ सुन्दरबजार नगरपालिका-८ का ३२ वर्षीय हरि गौली छन्।
दुर्घटनापछि गौली गम्भीर घाइते भएका थिए। उनको हेटौडास्थित चुरेहिल अस्पतालमा उपचारको क्रममा मृत्यु भएको हो। प्रहरीका अनुसार आठ जना यात्रु घाइते भएका छन्।
तीव्रगतिका कारण बस पल्टिएर दुर्घटना भएको प्रहरीले जनाएको छ।
घाइते सबैको हेटौडास्थित चुरेहिल अस्पतालमा उपचार भइरहेको छ। बसमा १८ जना सवार थिए।
रासस
