भारतको महाराष्ट्रमा ट्रकले पल्टिँदा १६ जना मजदुरको मृत्यु भएको छ। जालगाउँ जिल्लामा भएको दुर्घटनामा परी मृत्यु हुनेमा अभोदा, केरहाला र राभेरका मजदुर रहेको बताइएको छ।
मजदुरहरू मेवा बोकेको ट्रकमा चढेका थिए।
किनगाउँको मन्दिरनजिकै आइतबार मध्यरातमा ट्रक पल्टिएको हो।
दुर्घटनामा पाँच मजदुरहरू बाँचेका छन्। उनीहरूको स्थानीय अस्पतालमा उपचार भइरहेको छ।
भारतीय प्रधानमन्त्री नरेन्द्र मोदीले घटनामा दु:ख मनाउ गर्दै ज्यान गुमाएकाका आफन्तमा समवेदना व्यक्त गरेका छन्।
