नेपाल कम्युनिष्ट पार्टी(नेकपा) प्रचण्ड-नेपाल समूहका अध्यक्ष माधवकुमार नेपालले प्रतिनिधिसभा विघटनविरूद्ध सडक सङ्घर्ष गर्ने सबैसँग मिलेर सरकार बनाइने जिकिर गरेका छन्।
नेपाल प्रेस सङ्गठन मोरङद्वारा आज आयोजित पत्रकार सम्मेलनमा उनले बहुमत सदस्य आफूहरूका पक्षमा रहेको पनि जिकिर गर्दै पार्टीका अधिकारिकता विषयमा समस्या नहुने विचार राखे।
नैतिकताको हिसाबले प्रधानमन्त्रीले राजीनामा दिएर मार्गप्रशस्त गर्नुपर्ने धारणा पूर्वप्रधानमन्त्री नेपालले राखे।
निर्वाचन आयोगमा पार्टीको आधिकारिकताका विषयमा चिठी नै लेखेर पठाइसकिएको बताउँदै नेता नेपालले भने, ‘आवश्यक परेमा पार्टी आधिकारिकताका सबै प्रमाण पेश गरिने छ।’ रासस
