फ्रान्सका अर्बपति व्यापारी तथा राजनीतिज्ञ ओलिभियर देसूको हेलिकप्टर दुर्घटनामा परी मृत्यु भएको छ। ६९ वर्षीय देसू चढेको हेलिकप्टर आइतबार दुर्घटनामा परेको हो।
फ्रान्सका राष्ट्रपति इमान्युएल म्याक्रोंले देसूको निधनमा दु:ख व्यक्त गरेका छन्।
देसू फ्रान्स अर्बपति उद्योगी सर्जेई देसूका जेठा छोरा थिए। उनीहरूको कम्पनीले राफेल लडाकु जहाज बनाउँथ्यो र ले फिगारो समाचार पत्र चलाउँथ्यो।
उनी चढेको निजी हेलिकप्टर आइतबार दिउँसो नोर्मान्डीमा दुर्घटनामा परेको फ्रेन्च प्रहरीले जनाएको छ। दुर्घटनामा पाइलटको पनि मृत्यु भएको छ।
देसू कन्जरभेटिभ पार्टी ले रिपब्लिकइन्सबाट सन् २००२ देखि सांसद थिए। उनी संसारका धनीमध्ये ३६१ औं स्थानमा पर्थे। फोर्ब्स पत्रिकाका अनुसार सन् २०२०मा उनको सम्पत्ति ७.१५ अर्ब डलर थियो।
