पूर्व–पश्चिम राजमार्गअन्तर्गत कपिलवस्तुको शिवराज नगरपालिका चन्द्रौटा नजिकै वनकट्टीमा शनिबार बिहानै बस दुर्घटना भएको छ।
काठमाडौंबाट सुर्खेतका लागि छुटेको बस दुर्घटना हुँदा ८ जना सामान्य घाइते भएको प्रहरीले जनाएको छ।
बिहान करिब ६ बजेको समयमा ना ८ ख १३६ नम्बरको बस सडक छेउमा पल्टिएको हो।
४३ जना सवार उक्त बस तीव्र गतिका कारण आफैं अनियन्त्रित भई दुर्घटना भएको ट्राफिक प्रहरी कार्यालय चन्द्रोटाले जनाएको छ।
