सिन्धुपाल्चोकको त्रिपुरान्दरी गाउँपालिका–४ बुसुन्डोलमा खोला तर्ने क्रममा एक जनाको मृत्यु भएको छ।
स्थानीय अमित थामीको बुधबार अपरान्ह मृत्यु भएको प्रहरीले जनाएको छ।
मामाघरबाट तीज मनाएर आमा र बहिनीका साथमा फर्किदै गरेका थामीको खोला तर्ने क्रममा पहिरोसँगै आएको ढुङ्गाले लागेर मृत्यु भएको जिल्ला प्रहरी कार्यालयका प्रहरी नायव उपरीक्षक शिव बुढाथोकीले बताए।
उनकी आमा र बहिनी भने सकुशल रहेका छन्।
खोलामा पुल नहुँदा स्थानीले सास्ती खप्दै आएका छन्।
मुलाबारीबाट पिस्कर अध्ययन गर्न आउने विद्यार्थी र स्थानीयलाई वर्खामा आवतजावत गर्न खोलामा जोखिम रहेको छ।
