नेपाल फुटभली संघको आयोजनामा प्रथम गजराज जोशी कप राष्ट्रिय खुला फुटभली प्रतियोगिता शुक्रबार देखि हुने भएको छ।
साउन २७ देखि २९ सम्म आयोजना हुने प्रतियोगितामा काठमाडौ, भक्तपुर, ललितपुर, चितवन, सिन्धुपाल्चोक, रुपन्देही, काठमाडौं खेलकुद समाज, साईपाल कलेज, केयु सिटी कलेज, सज्जन स्मृती क्लब लगायत गरि १६ टिमको सहभागिता रहने नेपाल फुटभली संघका महासचिव दामोदर भट्टराई “बद्री”ले जानकारी दिए।
कपनस्थित ह्याण्डबल मैदानमा आयोजना हुने प्रतियोगितामा राष्ट्रिय फुटबल टिमका चर्चित पूर्व खेलाडीको समेत सहभागिता रहने आयोजकले जनाएको छ। करिव ८ लाखको लागत रहेको प्रतियोगितामा विजयी टिमले ट्रफी, मेडल र प्रमाण पत्र प्राप्त गर्नेछन्।
