ब्राजिल अर्जेन्टिनासँग पराजित भएको छ। शुक्रबार साउदी अरेवियामा भएको मैत्रीपूर्ण खेलमा अर्जेन्टिनाले ब्राजिललाई १-० ले पराजित गरेको हो।
ब्राजिलले मेसीले गरेको गोलमा अर्जेन्टिनासँग पराजित भएको हो। मेसीले सो गोल खेलको १३ औं मिनेटमा गरेका थिए।
हिजोको खेलमा दुबै टोलीले पेनाल्टीलाई गोलमा परिणत गर्ने मौका खेर फालेका थिए।
कोपा अमेरिका भ्रष्टाचारमा लिप्त भएको प्रतिक्रिया दिएपछि तीन महिनाको अन्तराष्ट्रिय फुटबल प्रतिबन्धमा परेका मेसीले हिजोको खेलमा पेनाल्टी हान्दा ब्राजिलका गोल रक्षक एलिसनले बचाउ गरेका थिए।
त्यसपछि रिबाउन्ड भएर आएको बललाई मेसीले गोलमा परिणत गरेका हुन्। त्यसअघि ब्राजिलका ग्याब्रियल जिससले प्राप्त पेनाल्टीलाई गोलको दिशा दिन चुकेका थिए।
