स्पेनिस कोपा डेल रे फुटबल अन्तर्गत बुधबार राति ग्रानाडालाई हराउँदै बार्सिलोना सेमिफाइनलमा पुगेको छ। अवे मैदानमा भएको खेलमा ग्रानाडालाई ५–३ ले हराएको बार्सिलोना अन्तिम चारमा स्थान पक्का गरेको हो।
ग्रानाडाका लागि केनेडी, सोल्डाडो र भिको भिलेगासले गोल गर्दा बार्सिलोनाका लागि ग्रिजम्यान र अल्बाले २-२ तथा डे जोङले १ वगोल गरे।
खेलको ३३ औं मिनेटमा केनेडीले ग्रानाडाका लागि गोल गर्दै बार्सिलोनामाथि सुरूआती आग्रता दिलाए। पहिलो हाफमा १-० ले अघि रहेको ग्राद्दाडाले खेलको ४७ औं मिनेटमा सोल्डाडोले गोल गर्दै अग्रता दोब्बर पारे।
निर्धारित ९० मिनेटको अन्तिम तिर बार्सिलोनाले दुई गोल गरेर अतिरिक्त समयमा खेल लग्न सफल भएको थियो।
उसका लागि एन्टोनी ग्रिजम्यानले ८८ औँ तथा इन्जुरी समयको दोस्रो अर्थात ९२ औँ मिनेटमा जोर्डी अल्बाले गोल गर्दै खेल बराबरीमा पुर्याएका थिए। अतिरिक्त समयमा ग्रानाडाले एक तथा बार्सिलोनाले तीन गोल गर्न सफल भयो।
ग्रिजम्यानले १०० औँ, डी जोङ्गले १०८ औँ तथा अल्बाले ११३ औँ मिनेटमा गोल गरेका थिए। यस्तै ग्रानाडाका लागि भिको भिलेगासले १०३ औँ मिनेटमा गोल गरे।
